2024 оны 9 дүгээр сарын дунд арав хоногийн цаг агаарын нөхцлийн тойм

2024 оны 9 дүгээр сарын дунд арав хоногийн цаг агаарын нөхцлийн тойм

Температур: Арав хоногийн агаарын дундаж температур нутгийн баруун болон хойд, зүүн хойд хэсгээр 3.2-6.1 градус, бусад нутгаар 6.2-9.0 градус дулаан (1 дүгээр зураг) буюу олон жилийн дундажтай харьцуулахад Баянзүрх, Бүрэнтогтох, Рашаант, Тариалан сумдын нутгаар олон жилийн дунджаас 1.2-1.8   градус хүйтэн бусад нутгаар  олон жилийн дунджийн орчим байлаа.     

Нутгийн баруун болон хойд хэсгээр шөнөдөө -7...-10 градус, өдөртөө -1...+21 градус, бусад нутгаар шөнөдөө -7...+10 градус, өдөртөө +1...+24 градус дулаан байлаа.

Тунадас: 12-15, 18,19-нд нийт нутгаар 0.0-30.0 мм, 20-нд зарим нутгаар 0.0-1.0 мм бороо, аадар бороо, цас, 13-нд Шинэ-Идэр суманд 30.0 мм бороо (2 дугаар зураг) оров. Орсон тунадасыг олон жилийн дундажтай харьцуулахад Цагааннуур суманд олон жилийн дунджийн орчим, бусад нутгаар дунджаас ахиу тунадас орсон. 13-нд Хатгал, Арбулаг суманд 0-1 см, 18-нд Рэнчинлхүмбэ,  Эрдэнэбулган, Улаан-Уул, Ханх сумдад 0-2 см цасан бүрхүүл тогтсон байна.

Салхи: Ихэнх хугацаанд баруун, баруун өмнөөс секундэд 2-12 метр, зарим нутгаар борооны өмнө түр зуур секундэд 12-17 метр хүрч ширүүсэв.

Бэлчээрийн ургамал: 9 дүгээр сарын 20-ны байдлаар зуншлагын байдал Баянзүрх, Хатгал сумдын нутгаар дунд, бусад нутгаар сайн (3 дугаар зураг) байна.